港姐冠軍林鈺洧（Denice）今日（6日）出席沙田馬場舉行的《莎莎婦女銀袋日》，對於父母林俊賢與Jasmine就家暴、墮胎及驗DNA隔空互罵，事件愈鬧愈大，Denice坦言有被父親要求驗DNA，拆穿父親說謊。
Denice表示有留意父母對罵的新聞，直言不開心：「因為呢啲係家事，依家全世界都知。（點解媽咪突然咁高調去講？）我都唔理解，佢受訪前都冇同我講，完全係驚喜。（罵戰後有冇同媽咪傾過？）我冇問佢，我唔想講亦唔想了解，呢啲係佢哋上一代問題，作為後輩唔應該插嘴。（會唔會做和事老？）唔會，我覺得佢哋未係好成熟，我化啲，由得佢哋鍾意點搞就點搞，依家仲好唔使我做傳聲筒。」
講到被要求驗DNA，她直認不諱：「係，爸爸係有叫我，我冇難受，咪當新冠驗核酸咁撩鼻，當年15歲見番面，佢叫我驗我咪去驗囉！（唔覺得傷感情？）傷我媽咪多啲，會覺得點解會咁懷疑佢。（即係林俊賢講大話？）可能佢比較善忘，年紀大，我冇乜所謂，依家我講完咁佢咪記起囉！」又強調父親從來沒有撫養自己。
至於媽咪指林俊賢曾要求對方墮胎，Denice表示理解：「我明，嗰個年代嘅偶像派好多時都係咁，有都唔出奇。（媽咪有冇提過被家暴？）冇提過，由細到大媽咪都冇提起爸爸，而且我對呢方面都唔好奇。」她又開玩笑言現在是她被二人虐待。問她信父親還是母親？她稱不想理，亦不願去想這個問題。至於跟父親會否因此事而有隔閡？她謂：「我冇諗呢啲，專注自己，近期都好多工作要做，又要Keep身形。」問到會否擔心因事件而影響其形象及工作？她無奈說：「我都驚出面啲監製同廣告商因為咁而唔搵我，但冇辦法，都發生咗，惟有增值自己。（同媽咪講你處境，叫佢少講為妙？）佢哋依家火遮眼，唔會明我處境。（媽咪30年來好多冤屈？）應該係。（咁多年有冇試過三個人出嚟見面？）從來都冇，我都唔想。」
另外，講到投注賽馬，她自認沒有橫財命，買六合彩從未中過一個號碼，跟朋友打麻雀只會派錢。
認有叫林鈺洧驗DNA
對於被指要林鈺洧驗DNA，林俊賢因忙於公事，故透過Naomi回覆表示：「有咪有囉！」Naomi更力撐表哥，指林俊賢之前回應話冇叫女兒驗DNA，是講緊對方七、八歲的時候，她說：「其實表哥當時係回應返Jasmine嘅訪問，講緊同Denice 7歲見面嘅時候，表哥係冇要求驗DNA，可能傳媒誤會咗意思，我係百分百撐表哥，全屋企人都支持佢，因所有屋企人都知道真相，唔想一啲人亂講嘢抹黑我哋。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
