錢國偉遺孀重新出發為女兒做好榜樣 重返職場回TVB當經理人
金牌監製錢國偉（Wilson）在 2020年10月因胰臟癌離世，遺孀陳宛蔚（Calinda）母兼父職，全心全力照顧年僅4歲的女兒Abby，陳宛蔚終於走出喪夫傷痛，兩個月前重返職場，新工作是退居幕後做TVB藝員經理人，負責照顧的藝人包括Wilson生前好友黎諾懿、麥美恩、朱智賢、邵珮詩、應屆港姐亞軍許子萱、季軍梁超怡及友誼小姐刑慧敏等。
【點擊睇錢國偉遺孀陳宛蔚近況】：
陳宛蔚與錢國偉婚後開設製作公司，主力拍電影、搞活動外，還有做管理藝人等相關經驗，所以今次做藝員經人，絕對是沒有難度，唯獨是始終有一段時間沒有工作，需要時間適應，但為了女兒，她決定行出這一步：「希望為女兒做好榜樣，為自己、為小朋友都要重新出發！呢段時間有好多朋友關心，冇人想我暱埋喺屋企，覺得應該出嚟接觸多啲人，以前太依賴老公。」
她又稱特別要感激黎諾懿幫忙引薦，以及樂易玲的慰問關心：「Wilson病嗰段時間，其實我已放低工作一段時間，最初都擔心自己唔能夠勝任。但諾懿好好，之前由佢監製嘅《仨心友行》已經叫我去幫手，跟住佢邊學邊做。到第一次上去見樂小姐，已經話『你一個女人仔，成日諗起你』，叫我喺熟悉嘅環境重新出發。」
陳宛蔚在2007年從英國回港參選港姐，惜進入24強便止步，其後加TVB，在錢國偉監製的《味分高下》與《味分高下》中擔任「味之天使」的「雜果賓治」，並參與過《金枝慾孽貳》、《怒火街頭2》等劇集，到了2015年10月與已故前無線電視監製錢國偉結婚，婚後逐漸退居幕後。
【其他閱讀】
TVB 9大最受力捧上位新人！兩港姐上榜樣靚身材正 童顏學生妹人氣最強
張栢芝終於有新歡？罕有撒嬌賣萌互動甜蜜 兩人同失婚單親帶小孩
李泳漢賀女兒出生獨缺李泳豪決裂浮面？談細佬句句有火暗示要孝順母親
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
|
鍾意就快D Share啦！
|
|
|
