今日聖誕節，圈中唔少星級父母都喺社交網大晒全家福，溫馨過聖誕，當中包括育有1仔1女嘅楊愛瑾及前年榮升爸爸嘅呂方等，而今年10月再誕下第三胎囡囡嘅鍾嘉欣，亦首度晒出一家5口合照，見佢哋一家人喺聖誕樹及布置前拍照，好有節日氣氛，其中細女面珠脹卜卜相當可愛，而大女Kelly則愈大愈靚女，盡得媽媽女神氣質，不過最大變化都係囝囝Jared，換上清爽新髮型嘅佢帥氣度大增，仲好得戚咁對住鏡頭Chok樣，非常上鏡。至於今年榮升父母嘅鄭俊弘及何雁詩，則大晒仔仔着聖誕衫嘅靚相，可愛到暈。
另外，藝人余香凝亦晒出與老公及囡囡嘅合照，不過佢一句留言：「今年聖誕樹多咗好多我同囡囡一齊整嘅吊飾，唔知下年張相又會有咩唔同呢？」就引發網民及圈中好友無限聯想，以為佢有喜訊宣布，女星蔡穎恩更直問：「係咪要講恭喜啦~~~」余香凝即表示：「未未未」，仲話：「睇嚟我嘅文字好誤導大家」，相信只係虛驚一場。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
