名媛諸葛紫岐晚上（15日）出席晚宴，她表示已有一段時間未有參與大型晚宴：「好耐好耐好耐未出過嚟。（忙住照顧小朋友？）都有嘅，同埋忙住搞自己嘢，學畫畫同寫毛筆字，係自己興趣。」談到之前自己創立的生意，她笑稱：「執咗啦啩？」又坦言受疫情影響下沒甚進展，已處於半放棄狀態：「個心態係完全唔係好想理，都理唔到，擺喺度其實蝕緊錢不如唔好做啦，不過依家市道好番啲，嚟緊會睇有乜可以做吓。」
聖誕將至，她透露下星期將會一家人到北海道歡度佳節，元旦前會返回香港：「我感覺一半香港人都去咗北海道，同朋友傾開個個都話去北海道，哈哈，好耐冇出過去，返嚟會再考慮飛第二度，想返加拿大，因為可以帶細仔滑雪，不過我諗佢都未得，應該係碌吓碌吓，玩吓雪啦。」她表示今次其實是疫情後第2次出埠，8月時曾以商務簽證到日本外遊：「嗰陣日本好靜，商場都冇乜人，依家我估好多人，因為好多餐廳都Book唔到。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
