2023年1月16日星期一

獨家丨柏安妮18歲囡囡家輝城城搶住要許恩怡對住月台幕門整衫洩星味 #城城 #張家輝 #柏安妮女 #許恩怡 #郭富城

獨家丨柏安妮18歲囡囡家輝城城搶住要許恩怡對住月台幕門整衫洩星味

本月尾19歲的柏安妮細女許恩怡(Natalie)好厲害，21年尾憑出道電影《燃野少年的天空》，已勇奪「東京國際電影節中國電影周」金鶴獎的「最佳新人獎」。有樣、演得、跳得仲要後生，難怪有傳古天樂都睇好佢。日前下午，仲未剪短頭髮拍戲的Natalie現身坑口港鐵站，雖然帶口罩，但身形的式，着短身Tee又露腰嘅佢已有浸星味，望兩眼已認得係未來新人王許恩怡。採訪:金泰亨

身形纖瘦嘅Natalie唔介意性感，小背心幾青春。



許恩怡唔算好靚女但好可愛。



因為身材唔算勁爆，著BRA TOP唔肉感仲幾有型。

Natalie嘅Profilie愈嚟愈勁，先後為呂爵安及張天賦的《飄流教室》及《自我安慰》MV擔任女主角，唔係齋擺甫士Show靚樣就算，要交吓戲都難佢唔到，最難得個樣唔太有侵略性，Fans冇詐型係重點。



擔任《飄流教室》MV女角，有啲演技㗎。



擔任MC《自我安慰》MV女角，難得冇傳緋聞。

細細粒好可愛

近日，Natalie連接兩套大片，分別參與張家輝執導的《贖夢》，以及在《無名指》中飾演梁詠琪及郭富城的患病女兒，全程坐輪椅，估計得到有幾大發揮。日前下午，著住白色貼身短身Tee加黑色長褲及Tote Bag的Natalie現身坑口港鐵站，見佢行去櫃員機撳錢，然後吊吊揈住個手提電話行去搭港鐵，等車期間，Natalie都有撳電話，但大部份時間都係望住個月台幕門，有時整吓件衫，有時左右腳換轉企法，簡單郁吓已經好有星味。