田啟文罕談被周星馳重用招妒忌 爆遭李力持叫人「打斷」肋骨再迫返片場繼續拍
香港電影工作者總會會長田啟文（田雞）近日作客文雋的YouTube節目，大談入行經過及與周星馳合作的點滴等。田啟文分享他經「如花」李健仁介紹而開始跟隨周星馳做幕後工作及拍戲，後期因周星馳妹妹辭任貼身助手一職田啟文就頂上。周星馳90年代中成立個人公司，即邀田啟文加入他的班底，但他被周星馳重用就疑似令李力持眼紅。
【相關閱讀】：60歲周星馳首次開社交網帳號！IG第一post留兩字網民high爆
【點擊睇田啟文講述與李力持合作往事】：
田啟文起初只是在周星馳的電影中，參演一些小角色，其中就分享到當年拍攝由李力持導演的《唐伯虎點秋香》，田啟文原定飾演「華文」或「華武」，但田啟文反而叫我演「十八銅人」，「我拍嘅時候斷咗條肋骨，真係陰功……有個特約演員一棍打落嚟，緊係李力持叫㗎我話『真係唔係好掂，好痛』，即刻送我去橫店醫院照X光，醫院話啱啱買咗部磁力共振機，佢（醫院）話照唔到喎！但我真係痛……李力持就打畀同我去醫院個製片，問我點，製片話X光照唔到。李力持話『咁車返佢過嚟，我哋繼續拍』。」田啟文當下爆粗，指自己真的受傷，但李力持仍堅持要拍攝，連文雋都批評李力持的行為無良。而最後田啟文都返回片場拍攝，但李力持沒有再叫特約演員打他。
田啟文分享周星馳1996年成立公司，起初是由李力持籌備，田啟文到達公司即被李力持問原因：「田雞你嚟做咩呀？我哋齊人啦喎！我哋爭啲咩（崗位）？係咪場記？我哋人齊，你嚟做咩？」田啟文指當時周星馳出來搭着他的肩膀向李力持表示：「佢嚟幫我㗎！」李力持即時態度180度轉變，向周星馳落力擦鞋：「哇，周生你真係識搵人！搵田雞嚟幫你真係如虎添翼，咁佢嚟幫你做咩啊？」周星馳則表示：「咩都做！」連文雋聽見都認為李力持說話句句有骨，田啟文亦坦言當時感受到李力持對他有敵意，「好像火藥味很重喎……於是我又諗，其實我都係嚟做嘢啫。」而後來他的工作能力亦令李力持對他改觀：「用一種以柔制剛嘅方法，佢講嘅嘢我聽完就算喇！只係聽佢講，然後佢發現其實有我喺度，佢舒服好多。」
不過田啟文指原來入職初期，他被工資嚇一跳，因為比之前減了一半人工，但因最後都決定留下幫助對方，「因為周生呢，我哋不論人品……但佢對電影藝術創作嘅要求，的確係有別於一般人，精益求精。正是呢一點令我覺得收少啲錢都抵。」而最後田啟文亦在這間公司工作了13年之久，有工作能力又有義氣，難怪能成為周星馳的知己。
【其他文章】：
馬國明情路崎嶇！曾與曾華倩譜姊弟戀遭捧打鴛鴦 慘遭黃心穎公開笠綠帽
65歲萬梓良內地登台要人攙扶上落 身形消瘦健康情況令人擔心
林峯安排囡囡入讀上海名牌私立幼稚園 雙語國際教育一年學費逾20萬
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
|
鍾意就快D Share啦！
|
|
|
