許廷鏗跨年騷唱到中途CUT歌趕倒數 與鄧小巧哽咽合唱後喊到眼淚鼻涕混一起
許廷鏗（Alfred）一連兩晚《in the round》演唱會昨晚假九展舉行尾場，為了與fans一起迎接2023，故演唱會於晚上九點四十分開始，Alfred現身唱出《沒有人可以為你的幸福負責》、《修羅場》及《煽風點火》等歌曲揭開序幕。
Alfred除了繼續邀請了吳林峰及鄧小巧等做嘉賓，當Alfred與小巧合唱《微時》時，Alfred唱到一度哽咽，而小巧之後獨唱《誤解》時亦用手抹眼淚，場面感人，而Alfred 之後亦與RubberBand的6號以MV隔空對唱《香港式聖誕》，當Alfred返回後台後，有男fans即時大叫「I love you」、「好掛住你！」及「求吓你呀！」。當Alfred再度上台，唱完《事過境遷》後他先向4面台觀眾鞠躬，然後嘆了一口氣說：「歡迎大家嚟到「自許紀錄」第一個演唱會！」近年成為獨立歌手的他指早在2年前已想做自己的音樂品牌：「經歷咗唔同嘅公司，遊歷咗唔同嘅地方，發現唔係想做嘅可以隨時做，有啲嘢唔做就冇機會做。」他又表示好掛住紅館的四面台，亦感激大家一直的支持：「對我嚟講紅館似約會，多謝大家12年來嘅支持。」而Alfred 在臨近倒數前唱出《停半分鐘聽一闋歌》，不過唱到中段，他卻突然大叫：「咪住先，停一停」，之後他就從最後6秒開始倒數，在講完「Happy new year」後，Alfred即繼續唱出餘下的半首歌，唱完後他說：「好開心同大家踏入2023，2023一定要更加好！」不過觀眾反應卻非常平靜，雖然Alfred打算以拋波搞氣氛，不過觀眾反應卻一般，而Alfred 唱出《無力感》時，他表示希望大家能踢走過去一年的無力感，同時叫全場觀眾企起身，到唱《面具》時，High爆的Alfred又拿着手機拍片，最後更咀鏡頭。由於Encore後觀眾不肯離場，所以他之後亦清唱《Be My Love》幾句，演唱會最後在凌晨一點完結。
【點擊睇許廷鏗演唱會精彩畫面】：.jpeg)
Alfred在完騷後表示倒數環節不是忘記時間，而是悉心安排：「其實係希望扮到好似我唔記得倒數咁，然後就突發喺中間cut歌，全部都係度出嚟，後面其實好緊張，第一次咁樣搞，真係搵着自己黎搞！」他指這安排是希望在2023年第一個時刻仍是在唱歌給觀眾聽：「首歌係《停半分鐘聽一闕歌》，所以個位係停一停。」至於提到他與小巧合唱《微時》哽咽，Alfred笑指返回後台時喊到眼淚與鼻涕混在一起，他指因這首歌是講自己與小巧、鄭欣宜及林欣彤這個「三娘教子」組合的情誼：「初出道開始認識，真係識於微時，入面嘅歌詞真係好錐心，就算我哋大個咗都好，都唔好唔記得點樣認識，其中一句「生於這圈太亂」，我哋都見識過喺呢個行業上有唔同嘅感受、唔同嘅經歷，好與壞都有，但慶幸我而家都可以同佢哋幾位繼續做好朋友。」而他又感激藍奕邦抽空出席，所以特別安排他一起唱由他作詞的《青春頌》：「隔左10年一個新嘅版本，以前士氣高昂，大家都係年青人一齊衝，但大個咗之後發現大家嘅理念有啲唔同，佢（藍奕邦）係寫緊呢樣嘢，大家可以㗳真啲歌詞。」Alfred又表示知道今次個唱因似新碟發佈會，故觀眾可能會有點辛苦，問到是否滿意這次演出，他說：「我覺得超額完成，同埋觀眾真係好誇張地叻、好誇張地好，真係唱到「一點」都不怕！」Alfred希望在2023年疫情能快點過去，不要繼續反覆，亦希望大家有一天可以除罩相見及能夠回復正常生活。
【其他文章】：
前TVB主播陳嘉倩短裙黑絲美腿送別2022 搵幸運兒送禮網民望真人上門表誠意
2022年25名猛將離巢TVB 鄭裕玲等多人改投HOY TV 「御用醫生」做返老本行
2022回顧｜19位名人藝人逝世 TVB資深演員瞞病情猝逝令人疼心 曾江酒店倒斃震驚全港
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
|
鍾意就快D Share啦！
|
|
|
