郭可盈接受《香港01》訪問時表示，最近生活以家庭為重心，主要是照顧小朋友。她說：「佢而家係teenager成長階段，我覺得要有好足夠時間陪伴，保持一個好好嘅關係係好緊要嘅事。」她也說，女兒現正就讀中二，功課都是自已十分生性。她說：「佢而家好多嘢都獨立處理。」明星出入學校會不會有煩惱？郭可盈回答：「我都enjoy親自接佢（女兒）放學，係親子溝通嘅一個橋樑嚟。」
她也說今次到《萬千星輝頒獎典禮2022》是受到TVB邀請，她說：「邊個邀請都好，支持公司都係分內事。」13年沒有踏足TVB，她表示環境也沒什麼大改變，她說：「好有親切感，我記得一落車就見到梳化服舊同事，一啲演員，三哥、華哥，大宇，全部齊晒，約都冇咁齊，好開心。」
郭可盈於當晚台上表示只要返工時間不能超過8小時方可考慮復出，她在訪問也說：「對嚟講好劇本好角色係大前提，但係頭先我喺台上面講嘅都係真，如果曾生（曾志偉）可以（一齊）拍呢，就perfect perfect perfect啦。」飾演情侶？她回答：「而家係天馬行空，乜都得，唔好做母子就得啦。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
