今晚台慶頒獎禮又有驚喜，劉佩玥奪馬來西亞視后，全場歡呼不斷。而視馬來西亞為第二個家的陳展鵬就第3度奪馬來西亞視帝。至於「馬來西亞最喜愛TVB電視劇集」，則由《超能使者》奪得。
劉佩玥在宣布一刻大感愕然，身旁的陳瀅及陳曉華亦開心得即送上「抱抱」，Moon含淚表示：「真係冇諗過攞呢個獎，首先好多謝馬來西亞嘅朋友投票畀我，記得之前我曾經喺馬來西亞攞過飛躍進步獎，頭先攞唔到，依家攞到呢個真係好開心，多謝珍姐同樂小姐以及曾生，珍姐、樂小姐你哋由我入行開始，一直都教我好多，你哋讚我、鬧我嘅，我唔會淨係記係腦度，而係記喺心上，仲有《美麗戰場》導演葉念琛，你真係教我咁多嘢，我喺你身上學到好多，下次食飯我嘅，仲有多謝台上兄弟姊妹，成日都咁支持我，我會繼續努力。」劉佩玥人緣十分好，現場不少藝人都戥她開心，拍掌尖叫，《美》劇拍檔陳瀅拿着手機幫她影相，陳曉華更開心到喊出來。
至於陳展鵬，之前曾於2015及2016年分別憑劇集《張保仔》及《城寨英雄》奪得馬來西亞，他在台上多謝馬來西亞的粉絲、監製文偉鴻及一班好拍檔陳山聰、唐詩詠等，他亦多謝家人、太太單文柔，多謝他們給他時間追自己的夢，他說：「我希望我嘅家庭如我工作一樣，繼續努力，我會繼續演好港劇畀大家睇！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
