近年專注在內地發展的藝人梁競徽，昨晚（23日）為《毛孩天台重聚慈善演唱會》擔任表演嘉賓，他表示自2019年出席無綫台慶頒獎禮後便未有在港工作，問到是否 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
近年專注在內地發展的藝人梁競徽，昨晚（23日）為《毛孩天台重聚慈善演唱會》擔任表演嘉賓，他表示自2019年出席無綫台慶頒獎禮後便未有在港工作，問到是否已移居內地？他說：「唔係，自己網絡平台公司基地喺杭州，之前因為疫情上落唔方便，又唔想周圍去，所以好多時間留咗喺內地。（會唔會返嚟？）梗係返！香港係我家嘛，內地啲朋友成日話返老家過年，今年農曆新年我都撲機票返嚟過年。」
他表示家人一直在港，期間有多次回港探望家人，笑言自己是最夠隔離經驗的藝人：「粗略統計加埋都有160日用嚟隔離，變到依家鍾意一個人喺屋企，個野性純和咗，哈哈，唔想出去個森林度玩，鍾意留喺自己個洞穴度打機休息。」他表示暫時仍會中港兩邊走，但坦言戲癮還在：「睇吓幾時有機會返TVB拍劇，其實一路都有傾，如果有啱嘅角色，都好期待再參與純港劇。（有冇搵高層傾過？）我見到珍姐（曾勵珍）唔敢講嘢，哈哈！其實珍姐對我好好，但唔知點解我擺唔低個心理壓力，至於樂小姐（樂易玲）我哋有傳訊息，佢成日都問我『點呀阿仔你？OK嗎？』我過年都有去拜年。」他表示3月中會先回內地公司，亦會考慮邀請其他藝人加入。
