陳家樂日前為新劇拍攝飛身撲救陳曉華的戲份，但女方突然「腦霧」發呆忘記講對白，與家樂「你眼望我眼」，令男方忍唔住笑！
藝人陳家樂與陳曉華（Hera）早前在九龍塘拍攝無綫劇集《異空感應》，家樂飛撲拯救遇襲的曉華，兩人攬住跌在地上，避過一劫。上演英雄救美的家樂突然對着女方笑笑口，以為他忘記對白，但原來是Hera「若無其事」，相映成趣！
讚連詩雅溫柔
他受訪時笑言：「呢場戲講我預感Hera有危險，所一路追住佢守護佢。講講吓對白笑笑口係因為Hera有句對白應該到佢講，但係佢空白咗，冇講嘢望住我，嗰下覺得幾好笑。」
面對麻甩到爆的Hera，家樂笑言身邊不少女士的性格亦相當爽朗，故沒有不習慣，隨即讚未婚妻連詩雅沒有麻甩味：「佢好溫柔㗎，好女性嘅。」而Hera與家樂「不打不相識」，獲救後坐在路邊時豪氣十足。身為香港小姐冠軍的她，於劇中放下高貴形象變麻甩：「慢慢都習慣咗呢個模式同人相處，開始時要習慣講嘢唔好咁高音，講嘢倔啲先似男仔頭，演慣咗都幾舒服。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
