藝人龔嘉欣早前暗示已「脫單」，更恨做兔年新娘，點知近日佢就被閨密陳凱琳上載社交網嘅拜年影片中，被爆日籍新歡靚樣，原來對方係日籍甜品大師松岡哲也（Tetsuya Matsuoka），更有指係陳凱琳做媒人，依家龔嘉欣同男友拍拖兩年，發展到同居階段，而龔嘉欣亦有份投資男友間餅店，力Sell自家品牌。
據悉，天生一副明星相嘅松岡哲也高大靚仔，於日本九州長崎長大，18歲開始學做甜品，3年後再到福岡的蛋糕店實習，亦花足6年時間鑽研蛋糕及和菓子。後來，松岡哲也24歲隻身去東京拍廣告、行天橋。2013年來港行Show時，機緣巧合下就認識到幾位打算開蛋糕店嘅日本朋友，最後決定留港發展，先後於尖沙咀及銅鑼灣開設蛋糕店。另有傳松岡哲獨愛搵圈中人做女友，同龔嘉欣撻着前，亦曾同一位TVB女星拍拖，有傳該女星正係剛於《萬千星輝頒獎典禮2022》勇奪「最佳女配角」嘅蔣家旻。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
