《第十六屆亞洲電影大獎》今晚（12日）舉行，最佳男主角由梁朝偉奪得，擊敗日本的西島秀俊及韓國的朴海日兩大對手，偉仔聽到自己的名字時表現得不可置信，在座位中抖大氣及自言自語說：「唔係呀！」上台時偉仔以英文表示自己並沒有預計到，之後轉用廣東話說：「我睇過入圍名單都好優秀嘅演員，所以諗都冇諗過攞獎，我冇準備得獎詞，所以只係講多謝，多謝大家。」而「最佳女主角」由湯唯的《分手的決心》大熱勝出，並由拍檔朴海日上台代領。
偉仔受訪時被問到獲獎時一臉愕然，故沒有準備得獎感受，他說：「係，因為從來冇諗過自己攞到獎，頭腦一片空白，所以好驚訝。」他透露暫時未有機會跟其他候選人傾談，希望After Party時可以：「我有睇過《分手的決心》同《Drive My Car》，好鍾意兩個男主角嘅演繹方法，其他兩套戲就冇睇過，所以覺得自己未必有機會攞獎。（會點慶祝？）會打畀導演。」
日本電影《Drive My Car》共獲得三個獎項，包括最佳電影，但男主角西島秀俊則輸給梁朝偉，失落影帝，對此，西島秀俊表示：「能夠同梁朝偉同洪金寶同場已經係光榮，我係睇梁朝偉嘅電影大。（梁朝偉話睇過你部戲，覺得自己未必有機會攞奬。）真係？佢有睇過我嘅電影，我已經心滿意足。」他稱因為行程緊逼，故未有機會在港四出觀光及品嘗美食。
內地名導張藝謀為《第十六屆亞洲電影大獎》擔任評審主席，並頒發「最佳導演」、「最佳電影」兩大獎項，其中「最佳導演」由日本導演是枝裕和憑韓片《孩子轉運站》奪得，「最佳電影」則由日本電影《Drive My Car》。
是枝裕和他受訪時表示今年來參與亞洲電影大獎，並非為獎項而來，而是覺得這是疫情後復辦的影壇盛會，將雲集一眾亞洲電影人，希望到現場跟大家交流，而且覺得這是一個很值得紀念的時刻，所以完全沒有想過獲獎，亦沒有預備感言。他曾拍過法國及韓國電影，問他會否有機會拍攝華語電影？他說：「下部已經決定係日文，當然香港同內地好多出色演員，都想同佢哋合作，尤其係梁朝偉。（現場有冇同佢交流？）去年喺釡山電影節有傾偈同交流，能夠合作當然好。」
憑電影《Egoist》撼低許冠文、任時完奪得「最佳男配角」的宮澤冰魚於後台受訪，指自己首度拍戲便能奪得該獎項，大感榮幸及驚熹，他於該片中有不少大膽場面，問他接拍時會否有所猶疑？宮澤冰魚表示：「冇，但做咗好多資料搜集。（邊場戲最難忘？）有場戲與鈴木亮平拍了足足廿個Take，令我印象非常深刻。」而金素辰就憑《緊急迫降》奪得最佳女配角。
從影62的洪金寶獲「終身成就獎」，大會於頒獎前先播出他昔日作品片段，及後撐住拐仗上台的他，獲全場嘉賓起立鼓掌，他直言本來心情平靜，但又突然很想喊，更眼濕濕表示：「呢3年疫情入面，電影圈好靜，我每日早上買俣，下午再去買，準備晚上嗰餐，覺得電影對我好似冇關係，諗係咪同電影圈冇關係呢，但突然聽到畀呢個獎我好意外、驚喜同高興。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
