Winka及So Ching完成音樂會後接受訪問，表示今次音樂會與粉絲十分緊密，就像在睡房開音樂會一樣：「佢擺咗啲梳化喺後面，有少少似家嘅感覺。」So Ching則感覺現場有一隊band陪伴她們開音樂會有安心的感覺：「喺我頭先有驚嘅時候，我有專登望去後面啲band，其實佢哋都好畀到個Support我哋，所以我都好鐘意同佢哋一齊表演嗰個感覺。」Winka則說與So Ching對唱時看到對方眼睛就想哭：「我哋一望大家隻眼就好想喊，有陣時可能會避開望佢個鼻，或者望佢個嘴，大家以為望緊對方，但其實可能望緊個鼻同嘴。因為大家太過明大家，所以望到有種眼神就會想喊想喊咁。」
Winka隨後表示在彩排時因為太多技術上的事情要處理，所以在音樂會時就變成十分催淚，Winka在今次的音樂會只給予自己60分：「因為我覺得自己表現都係有啲飄忽，我覺得專業歌手唔應該發台瘟，喊啦，又唱得唔穩啦，我覺得可以再唱好啲囉，所以我就畀自己合格多10分。」
而So Ching只給自己50分：「有啲位都係因為自己個情緒來到了，所以就可能失準阿，我都唔想look back，我覺得要睇返啲片睇吓可以點改善，下次再好啲囉。」Winka及So Ching亦在台上預告COLLAR將會舉行演唱會，但二人未有透露是何時。
至於So Ching被問到阿Mo的近況，她則表示：「同代禱信講嘅差唔多，其實都係慢慢take time咁樣去復原，都需要啲時間，始終都係一個好大好大嘅創傷，所以都要好多時間，所以我都要好多時間去照顧佢。」So Ching說如果有一位護理員可以照顧阿Mo比較「上手」才能放心，亦透露現正物色一個工人或護理員，她亦會親自培訓來照顧阿Mo。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
