而到了去年，入行12年的Sheldon決定重返校園，他獲澳洲Murdoch University取錄，立志在5年內成為脊醫，似為轉行鋪後路，並透露只在放假期間繼續演藝工作。雖然過住半工讀生活，但Sheldon的影視兩瓣發展，卻似乎在此時嶄露曙光，這亦不得不提老婆王丹妮。
Sheldon 2020年與拍拖5年的模特兒王丹妮結婚，由於女方是單親媽媽，儘管Sheldon鬼仔性格，但相信亦承受了不少輿論和壓力。不過他一直視王丹妮的愛女Affa為己出，出遊時又做「跟得老竇」，一家三口經常放閃，贏來「最強繼父」稱號。
翌年王丹妮憑電影《梅艷芳》一炮而紅，工作機會愈來愈多，更勇奪第40屆香港電影金像獎「最佳新演員」。成為影壇新貴後，他不時與Sheldon以夫妻檔工作，由於外形登對，獲雜誌邀請進行時裝拍拖，可謂襯到絕。而在票房過億破晒紀錄的港產片《毒舌大狀》中，王丹妮飾演被冤枉殺人的年輕母親曾潔兒，戲中亦有Sheldon蹤影。他飾演董大狀（王敏德飾）的助手，於戲中大曬流利英語，即使未有跟王丹妮同框演出，但亦是話題之一。
去到近日熱播的無綫劇《隱形戰隊》，Sheldon飾演殺手陳環，電梯槍戰一幕有不少動作場面，表現獲得好評，被讚有型有款、身手敏捷又抽得！而Sheldon接受訪問時就提到，自己拍這些武打場口弄至成手瘀晒，但一向操開拳的他就表示今次機會難得，他說：「終於可以拍到自己好鍾意嘅動作戲，我亦都覺得係緣份，因為咁啱我參加完《明星運動會》拳擊賽攞咗冠軍，當時為咗個比賽我都操練咗好一段時間，所以無論體格定精神上都比較ready去拍打戲。」夠努力又獲得網民留意的Sheldon，隨時靠今鋪上位！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
