「宇宙最強」甄子丹一向功夫了得，不時喺社交網分享打拳片，非常有型。日前佢就驚喜曝光佢11歲練拳嘅片段，見佢一身功夫裝，相當輕鬆咁狂揮雙節棍，動作流暢有 ...
「宇宙最強」甄子丹一向功夫了得，不時喺社交網分享打拳片，非常有型。日前佢就驚喜曝光佢11歲練拳嘅片段，見佢一身功夫裝，相當輕鬆咁狂揮雙節棍，動作流暢有力，年紀輕輕已經功架十足，拍得住李小龍，認真犀利！
之後佢又分享打沙包嘅片段，見佢拳拳到肉，出拳快狠準，果然係寶刀未老，佢更感觸留言：「11歲開始，我的命運改變了。現在，我想我也改變一些人的喜好和觀念。」而粉絲睇完影片後亦紛紛留言：「丹哥太帥了」、「踢腿動作非常瀟灑」、「丹哥改變了我的人生」、「台上一分鐘，台下十年功」。
