曾志偉今日（14日）於尖沙咀舉行大型生日派對，慶祝70歲牛一。好友譚詠麟、鍾鎮濤、張衞健、林敏驄、湯盈盈以及一班中年好聲音參賽者周吉佩、龍婷、吳大強等到場，志偉受訪指自己最大生日願望是人人健康，今晚派對約有200多人左右，有些特別從外地來港，志偉笑言：「因為通關，佢哋借話嚟生日會，但其實嚟旅行！」
志偉指因想今次派對可以影一張整齊的大合照，故今次要求前來嘉賓穿上黑白色，問他可擔心不太吉利，他謂：「唔怕，大家都着得好靚，想影張黑白相畀大家，顏色單純啲好。（請中年好聲音嘅參加者嚟表演？）佢哋都半隻腳踏咗入娛樂圈，都想佢哋了解娛圈嘅人係點樣玩。（力捧佢哋？）佢哋本身都已經好紅，觀眾都好錫佢哋。」
由於想一班嘉賓玩得盡興，志偉指收起工作人員手提電話，同埋亦呼籲了眾賓客，如果影了相，都不要放社交平台，等所有藝人都可以盡興一晚，因志偉與黃杏秀是同日生日，加上大家有不少共同朋友，故今晚會跟黃杏秀、陳百祥一齊慶祝。
志偉連續幾晚都有生日慶祝，昨晚（13日）則設下50圍慈善齌宴，結果籌得七百多萬，而他的仔女亦有來港陪他，齋宴上，曾寶儀更抽得父親捐出來的唐卡，相當有緣。除此之外，早前一家人更一齊去生日旅行，到日本暢遊一番。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
