今日係4月21日，睇是日星座運程之前，不如挑戰吓IQ題，有兩個人跌入井度，死咗一個，死咗嗰個叫死人，咁活嘅嗰個叫咩呢？想知答案就要睇《星語》喇！入正題先，今日嘅幸運星係白羊座，白羊座嘅朋友得財全不費工夫，但大前提係要認真工作。白羊座嘅陳靜（DaDa）不嬲都生財有道，舊年先豪使超過2,200萬元買樓，依家總共持有4個香港同海外物業，DaDa仲講明靠磚頭好過靠男人，相信佢一定會認真工作，完全唔使替佢擔心！
天蠍座嘅朋友擇偶要留意對方嘅內在美，要提防愛情騙子。憑台灣「神劇」《想見你》躍升中港台新男神嘅許光漢正正係天蠍座，依家嘅佢宣稱仲係單身，咁睇嚟佢要小心識女仔喇，畀人呃嘅話成班「許太」都會心痛。
雙魚座嘅朋友運勢好轉，生活順利，可望發揮個人潛能。雙魚座嘅麥浚龍前排終於再喺公開場合唱歌，近年少有開騷嘅佢難得開金口，即刻令現場氣氛高漲，不如今日Plan吓再開騷，等班粉絲開心吓！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
