現年四十九歲的馬國明（馬明），跟湯洛雯（靚湯）拍拖近兩年多，剛於今年元旦公布訂婚喜訊，全城祝福，暫定婚期為今年下半年。他倆也提前同居試婚，自爆已互稱對方為老公老婆。
大婚臨近，馬明和靚湯早前已約法三章，拍戲要禁咀。不過，話口未完，馬明和屢傳緋聞的「契妹」唐詩詠則在無綫劇《隱形戰隊》中啜到爆，未婚妻靚湯難免不是味兒。日前，正開拍新劇《News新聞女王》的馬明，幾忙都拖靚湯到名店血拼補鑊外，平日跟「電力十足」的何依婷開工時，他又保持距離，明哲保身為上。
咀女咀出禍，馬明日前便拖靚湯去名店購物補鑊，頭耷耷的他全程做跟得男友，靚湯則在店內滿場飛，慢慢揀。
馬明和靚湯自公布訂婚後，便共識要減少拍攝過分親熱的場口，可惜馬明違規，惟有冧返未婚妻。
約法三章
馬國明（馬明）自今年元旦宣布跟湯洛雯（靚湯）求婚成功後，二人在工作上亦有約法三章，同意避免拍攝過分親暱的場口，以免打爛醋埕，影響雙方關係。他謂：「我哋有共識，阿湯再接戲都唔會太裸露同親熱。我就會問啲女同事之後有場錫戲，你介唔介意，如果女仔覺得唔舒服要出聲，我唔介意，仲幾欣賞，但始終電視尺度有限。」
不過，馬明近日在無綫熱播劇《隱形戰隊》中艷福無邊 ，明顯違規，繼早前遭劉佩玥性感情挑，他擔心得表示要打爛部電視，免靚湯睇到。其後，他變本加厲，又跟屢傳緋聞的「契妹」唐詩詠狂啜親熱，由門口錫到枱、再上牀，激情程度爆燈，相信未婚妻靚湯睇到都眼凸。上月底，同劇藝人陳山聰、唐詩詠等為《隱》劇宣傳時，對該激情戲份都大表「嘩嘩聲」，由於當日馬明未有到場，他們也指他已遭靚湯大興問罪兼「鎖在家中」。
去年，馬明的好兄弟黃嘉樂結婚，他跟靚湯一齊去飲宴，順道為二人婚事取經。
靚湯和朱千雪、岑杏賢、蔡思貝等姐妹團聚會，馬明早已融入其中。
出錢出力
馬明咀唐詩詠咀出禍，幸好靚湯易話為。他曾在訪問中透露︰「佢好易o氹，只要買一啲佢鍾意食嘅嘢就無事，唔需要太複雜，有時甚至只講一句sorry，再做多少少行動就可以o氹返。」
所以，近月正開拍新劇《News新聞女王》的馬明，日前一見有空檔，即相陪靚湯去名店「血拼」發洩，皆因女人一shopping即回復心情。現場所見，二人走訪到集百家名店的葵涌佛羅倫斯小鎮購物，貪當地較偏遠，較少被人撞到。他倆在商場游走一輪，其後走入Prada內掃貨，靚湯在場內團團轉，跟着店員拎出一個放在櫥櫃的粉紅色手袋給她看。心思思的靚湯十五十六，雖然身旁的馬明頭耷耷，但全程則有耐性地等候，也有向女方畀意見。見佳人揀到心頭好，馬明當然出錢出力，還識做地去埋單畀錢。
馬明和「契妹」唐詩詠的緋聞傳足多年，近日《隱形戰隊》中又咀到七彩， 早前馬明未有出席宣傳活動，有指被醋爆的靚湯「禁足」。
馬明和「契妹」唐詩詠的緋聞傳足多年，近日《隱形戰隊》中又咀到七彩。
馬明和「契妹」唐詩詠的緋聞傳足多年，近日《隱形戰隊》中又咀到七彩。
馬明和「契妹」唐詩詠的緋聞傳足多年，近日《隱形戰隊》中又咀到七彩。
|
鍾意就快D Share啦！
|
|
|
