今日係4月8日，睇是日星座運程之前，不如挑戰吓IQ題，蘿蔔飲醉酒會變成咩呢？想知答案就要睇《星語》喇！入正題先，今日嘅幸運星係山羊座，山羊座嘅朋友幸運指數排第一，要識得感恩，唔好得意忘形。山羊座嘅陳曉華，就應該完全做到呢一點喇。最近被選入「力捧名單」入面，陳曉華並無自滿，最近有份參演新劇《非常檢控觀》，佢表示會視每個機會為最後一次機會，因為佢曾經試過一年冇接到Job。幾時都話有經歷嘅人，會份外懂得珍惜，依家佢劇接劇勁旺，會保持住感恩嘅心，肯定會繼續事事順利。
獅子座嘅朋友愛情運比較好，處理感情事顯得游刃有餘。唔知獅子座嘅蔡思韵今日會唔會抽時間同男朋友拍吓拖呢？
天秤座嘅朋友財運相當好，但要保持低調，以免惹人眼紅。天秤座嘅曹永廉今日要記住唔好晒命喇！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
