藝人蔡思貝今日（1日）為無綫綜藝節目《不可能任務》進行拜神儀式，她表示向來習慣在節目前作準備，但今次製作組卻很神秘，不肯向她透露拍攝內容：「因為節目以真人騷方式拍攝，想拍到我哋個真實反應。剛剛聽到要做嘅任務，真係好考體能，都有少少驚自己完成唔到。（辛苦過跑半馬？）係，因為係身體上唔熟悉嘅嘢。（怕唔怕真人騷畀人捕捉到醜態？）應該會，但我冇諗呢啲嘢，真人騷就係想拍人性的弱點。（咁你有咩弱點？）可能會辛苦到面容扭曲，不過多謝大家形容我上次跑完21公里都係咁靚！」
另外，思貝的緋聞男友胡鴻鈞日前生日，她坦言仍未約對方食慶生飯：「約緊，因為佢同我都要專注事業。（就算專注事業，但飯都要食。）食飯都唔話你知！（咁送咗禮物未？）冇愈大個愈冇話買嘢，朋友間食餐飯已經好開心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
