.
DSE今日開考，無綫小花倪嘉雯在社交網貼出四眼學生妹相，以過來人「學生」身份在社交網為考生打打氣，她說：「咁多位考 DSE 嘅考生你地要加油呀，溫書固然重要，但係都要有足夠休息先得，因為睡眠係可以鞏固我地嘅記憶，同埋令我哋更專注，我好記得我個陣考DSE每日都唔會畀自己瞓少過6個鐘，第二日先可以精精神神咁上試場，做到最佳表現。」
她續說：「記得讀大學嘅時候，溫唔切書，所以通頂喺圖書館溫書，點知最後考試嘅時候唔小心瞓着咗，嗰一下真係有種前功盡廢嘅感覺，所以記住要訂立溫書嘅時間表，唔好臨急抱
佛腳最尾嗰幾日先通頂溫書，唔瞓覺呀！我知道就算叫大家唔好畀自己咁大壓力，大家點都會大壓力，我明白係因為大家重視呢件事。所以我會同你地講，記住出盡全力，唔好比自己後悔，不過亦都唔需要害怕，因為呢個世界有好多可能性，並不是一試定生死。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
