首兩集最特別行程，絕對是Karen親身落場體驗荷蘭的「紅燈櫥窗」。穿著吊帶背心、身穿短褲的Karen難得在鏡頭前展示性感，塗上鮮紅色口紅坐在櫥窗前體驗當地紅燈區性工作者生活。鼓起極大勇氣才能揭開櫥窗窗䈴的Karen，雖然只是坐了一會，但面對途人眼光的洗禮，Karen坦言難受，事後更一臉嚴肅受訪直認難過：「我入到間房，望住塊鏡，我諗佢哋心情都係一化咗妝就要入咗做嘢嘅模式，我覺得有啲沉重。我本身係帶住輕鬆嘅心情去體驗，因為呢啲體驗唔係咁易有，但一入到嚟因為覺得太真實，所以我認為唔係一件可以笑嘅事。」Karen直指整個體驗過程十分緊張：「做呢個行業係好需要勇氣，要唔介意畀人望。」
CJ事後補充指，雖然一有客人敲門性工作者便要開工，但她們不但有選擇客人的權利，還有工作人員及救命鐘保障她們安全，而工作間設備亦相當齊全，除了性用品，還有不少衛生防護措施，完全感受到當地人對性工作者的尊重。CJ續指一般情況下，紅燈區不可進行拍攝或影相，製作組是經過重重難關才成功申請是次拍攝。三人拍攝當日還吸引了當地傳媒採訪，Karen因而登上荷蘭報章，相當威水。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
