4月23日即農曆三月初四，通勝指今日宜會友、栽種同納畜。最旺生肖係龍，你哋桃花好旺會有朋友幫手牽紅線，咁就更易搵到有情人。范冰冰細路范丞丞就係屬龍，佢早排唔止有緋聞咁簡單喎，內地盛傳佢同40歲女星賈玲有關係，而且未婚生子！丞丞之後喺社交網叫人把嘴閉上，睇嚟都係流料，冰冰咪幫細佬牽條紅線囉，有女朋友自然冇咁多離譜謠言！
至於屬狗嘅你，唔使再搵其他人今日你可以感受到另一半嘅體貼關懷，令你甜在心頭。大家都知屬狗嘅蔡卓妍（阿sa）勁忙，成日要周圍飛，不過完全冇影響佢同圈外男友嘅感情喎，5年異地戀都冇問題！阿sa之前講過男友好明白佢嘅工作，仲話大家都係需要私人空間嘅人，咁夾今日又甜在心頭，係咪就結婚啦？大家知唔知飯廳係主宰全家人嘅情緒同運勢呢，所以布局方面要留心，今日《玄機》話畀你知咩顏色餐枱最好！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
