前港姐賴彥妤（Vivienna）除擔任娛樂新聞台主播為人認識外，早前更於節目《LAW霸女神》大騷長腿，吸引不少宅男追捧。不過近日佢卻發生意外，招牌美腿不幸中招！佢喺社交網上載一張腳部受傷嘅照片，見其小腿位置被大片紗布包覆住，傷口範圍頗大。
佢接受東網訪問憶述事發經過，原來係被電單車壓傷腳：「日前在電單車側邊行過，架車突然被撞低壓落我隻腳，好彩及時避開，但最後都被割傷，係不幸中之大幸。當刻反應唔切，直到見到長長血痕，由腳背至小腿位置，傷口有成12cm長！」佢續指即到醫院打破傷風針，現時已無大礙，目前最擔心留疤：「始終長腿係最鍾意嘅身體部位 ，係『重要部位』之一，好似之前law霸女神都有晒長腿，唔少朋友知道都即刻關心我，非常窩心。」雖然佢有傷在身，但日前母親節都堅持出動，陪父母四周覓食，認真孝順。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
