日前Kay貼上與Kenny的自拍照，回憶起兩人都是05年出道的歌手，今次終於首度合作，Kenny說：「識就識咗好多年，仲係同年新人，但一齊拍戲就完全冇，合唱都冇！我啱啱唔使埋位仲同芯駖跳舞，趁今次同啲識咗好耐但冇乜合作嘅人玩多啲。」
Kenny原來是今次劇中的親熱擔當，與多位女角都有感情戲和親熱戲，Kay每次見到他都說好期待好期待他的親熱戲，又謂：「個個女演員都同Kenny有關係，但我冇，我覺得蝕咗囉，我要同導演講加戲呀！」
早前賈曉晨（JJ）更透露自己是因為有Kenny飾演男友才答應演出，Kenny聞言即怕醜不懂反應，笑笑口說：「哎呀，我怕醜添！嗱，我唔劇透，總之就有呢個成分喺度。」他未有透露今次性感尺度，但從未演過如此大膽的角色。講到今次可再趁機大騷自己一身肌肉，他表示：「我係劇情需要，所有嘢都係為咗劇情需要，唔係為咗暴露，係健康性感嚟㗎！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
