林正峰今日（16/5）現身將軍澳電視城出席無綫新劇《逆天奇案2》造型記者會。林正峰透露在劇中飾演一名警察臥底，要滲入黑幫搜集罪證，而且與飾演黑幫大佬細妹的羅毓儀會有感情線：「劇情講我為咗要埋個黑社會大佬身，變咗我係要係佢個妹度，利用佢接近佢阿哥，但到最後我都難抽離同佢嘅感情。」林正峰為了今次個角色，特意翻睇鄭伊健電影《古惑仔》取經：「因為呢套劇嘅風格係有啲似鄭伊健做古惑仔咁，個性比較沉默思考型，咁所以我就想試吓嗰種感覺，不斷係咁煲佢嘅電影。」
