今日係5月12日，睇是日星座運程之前，不如挑戰吓IQ題，有咩產品嘅製造日期同有效日期係同一日？想知答案就要睇《星語》喇！入正題先，今日嘅幸運星係天蠍座，你哋嘅運氣好到令人羨慕。「大美人」林青霞原來都係天蠍座，68歲嘅佢雖然息影多年，但風采依然，而且不時會喺社交網同大家分享近況。近排佢就透露自己獲香港大學頒授名譽社會科學博士學位，仲話係自己發夢都諗唔到，表示必定要奉獻出最好嘅自己，做多啲對社會有意義嘅事。其實如果林青霞肯復出拍戲，對大家嚟講都好有意義，不如趁今日諗諗佢！
至於雙魚座嘅朋友，喺職場上有唔少爭取表現嘅機會，要好好把握呀。雙魚座嘅張可頤近年極少參與幕前演出，好彩最近客串綜藝節目《無限超越班》，令觀眾終於可以再睇到佢做戲，不過原來張可頤近年已經轉咗做女強人，喺內地開埋經紀公司仲簽咗新歌手添！雖然轉換咗跑道，但一樣機會處處，不過觀眾就梗係最想睇你拍劇
本文作轉載及備份之用 來源 source: http://hk.on.cc
|
鍾意就快D Share啦！
|
|
|
