![](https://bimg.hitttt.com/dd8_20230512/8669A44_4eaf0d17ab863940133a9063feaec6af_bkn-20230511110135979-0511_00862_001_01p.jpg)
。
最近有台灣媒體爆出女星徐熙媛(大S)與前夫汪小菲離婚前,大S為前夫流產唔止2018年1次,喺二人2010年大婚前,大S亦係剛流產,但為咗個婚禮繼續舉行而選擇「頂硬上」,因此當時大S未有接受任何媒體訪問。消息一出,即令全城震驚及心痛,事件被報道後,尋日(10日)大S就透過社交平台發表聲明,承認曾先後兩次流產,時間亦同報道脗合。
佢提到自己2011年3月18日因腹中胎兒死亡必須經由手術終止妊娠,以致4日後(2011年3月22日)的三亞婚禮,無法出面接受媒體採訪:「實因失去孩子的痛苦,身心受到嚴重煎熬,力不從心,還請當年飛往三亞參與婚禮的媒體好友們見諒。」同時亦親證傳聞中2018年同汪小菲一同拍攝《幸福三重奏》時,係剛做完流產手術:「2018年4月2日徐熙媛女士於婦產科回診發現腹中胚胎萎縮,並於同年4月20日進行流產手術,而前一天4月19日騰訊視頻之節目《幸福三重奏》製作單位前來台北拍攝前採,4月27日飛往北京錄製第一期拍攝內容,所以社會大眾在節目播出視頻中看到徐熙媛女士身心狀態不佳,實因剛流產7天就去工作,已盡最大的努力配合節目拍攝,但內心的傷痛,筆墨難以形容。」
聲明中佢就講到適逢母親節前夕,媒體提及過往流產報道,令佢有深刻哀痛,更指母親節日必然再次重現創傷,自己亦自責、思念、悲傷及痛苦。依家佢只係想回歸平靜,所以之前一直都未有作任何回應,佔用各大媒體資源,大家唔好再以訛傳訛。
本文作轉載及備份之用 來源 source: http://hk.on.cc
鍾意就快D Share啦!
|
|