孫耀威細妹孫美賢（Miranda Suen）今日（24/6）現身電視城，參加無綫歌唱節目《中年好聲音》第二輪海選。孫美賢在接受《香港01》訪問時表示：「其實喺節目第一季播出嘅時候，我已經成日喺屋企人嘅Chatroom度講，如果有第二季我都想參加，但佢哋冇理我。直到一個月前我就決定報名，報咗名先話畀哥哥知，因為我好驚佢唔畀我參加，始終佢係歌星，好怕為佢帶來壓力，但佢知道之後，都好鼓勵我，仲問我怕唔怕會有負評，但我個人就比較樂觀就唔會有壓力嘅，我哋仲喺兩個星期前出嚟唱咗成晚歌。不過無論結果係點，我都好享受參賽嘅過程。」（陳順禎攝） （陳順禎攝） （陳順禎攝） （陳順禎攝） （陳順禎攝） （陳順禎攝）
