6月24號即農曆五月初七，是日最旺生肖係牛，你哋偏財旺，投資上可以小試牛刀，好易有斬獲。陳偉霆（William）就係屬牛，佢已經北上發展咗好多年啦，好早做咗一線藝人，仲打入過中國《福布斯》，有傳佢身家過億，真係勁威水。William講過自己習慣儲錢，鍾意買樓投資保值，有指佢名下有超過5套物業，果然係一名「圈中富豪」。佢最近套新劇《照亮你》反應勁好，仲同女主角傳戲假情真！睇嚟今次除咗吸金，仲吸埋愛情！今日仲要啱你投資喎William，樣樣都咁順利，當然咪錯過！
今日嘅幸運星係雙子座，你哋幸運指數排喺第一位，冇咩問題可以難倒你。雙子座嘅鄭欣宜樂壇成績驕人，喺過去嘅2022年度先後橫掃咗四台嘅女歌手獎項殊榮，成就咗佢第二次嘅歌后大滿貫，創下首次冧莊四台嘅紀錄，成績前無古人！雖然最近有指欣宜失蹤，掛住拍拖唔做嘢，不過相信好快可以再見佢嘅，睇好你2023年度再次冧莊呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
