▲感恩大家平安！
國泰航空 CX880 由香港飛往洛杉磯航班，今日（6月24日）凌晨因機組人員偵察到技術故障終止起飛，隨即疏散機上293名乘客，並安排乘客由五個門逃生滑梯離開飛機，場面驚險。
有11名乘客在疏散過程中受傷送院，國泰指其同事正在醫院，為接受診治的乘客及其家屬提供所需協助。
藝人李施嬅原來就在肇事航機上，事後她在社交網上載片段報平安，並直擊機上混亂一刻及平安抵家後的片段。
【News新聞女王】李施嬅爆要狂罵佘詩曼好瘋狂 馬國明少演衰人感新鮮享受
目擊事發經過報平安
施嬅透露當時事發一刻非常驚：「我平安返到屋企啦，報個平安先！今晚好驚險，我都係第一次飛機喺跑道上好高速無端端踩brake停，啲嘢跌晒啦，個個都好驚，空姐、captain話要疏散時，大家都好緊張、大嗌，好混亂，令到我個人都震晒！」
她續說：「其實都好驚嗰一刻，跟住瀡滑梯即刻彈出嚟，個個都要瀡落去，好多人都損晒，好感恩就係captain係我哋take off之前嗰刻發現有問題，即刻dup brake煞停，無起飛到，如果起飛咗仲麻煩。
平安沒事
她再指最重要大家平安沒事：「我都好感恩，雖然係幾驚嘅一件事，但係大家都平安冇事，唔飛住都唔緊要，辛苦咗咁多位工作人員、空姐、飛機師。」
好友鍾嘉欣、胡蓓蔚、趙希洛等亦留言指感恩大家都平安，見到施嬅沒事，一班粉絲都可以放心了！
最新影片推介：陳山聰專訪
精彩獎賞活動等您發掘：https://bit.ly/3ClEy1R
撰文 :TOPick柴犬出動
本文作轉載及備份之用 來源 source: http://topick.hket.com
|
鍾意就快D Share啦！
|
|
|
