去年初，第五波開始時，AGA曾被問到表演場所要關閉，會否怕個唱要再度延期時，即擔心到當場爆喊，表示父母特地回港捧場，自己不想讓他們失望，連Gin Lee（李幸倪）都馬上安慰她，無奈最終都開唔成，自此被問起重開個唱事宜，都不敢多口。閉關半年的她早前推出新歌《MIZU》、《Miss you goodbye》，被問起重啟個唱安排，她面有難色說：「我會再努力㗎，嗯…...都係唔講住。（係咪都有啲驚咗呀？）唔驚！唔驚！唔驚！驚大家唔睇咋，大家要再嚟睇，我會繼續努力再入紙！」
而近日，環球唱片終於第三度宣布AGA紅館演唱會，8月26及27日將在紅館連開兩場《YOKU MOKU x AGA ONEDERFUL LIVE 2023》，久候三年的樂迷當然期待，但亦有網民擔心會否又有大事發生開唔成，開Post說：「AGA開紅館！香港準備爆發第六波疫情！」有人想起「丁蟹效應」，封她「樂壇秋官」、「疫情版秋官」、「海迦效應」，笑稱：「好彩未抌啲口罩。」「希望佢快啲開，我想Work from home」「趁低吸納咗兩櫃快測，就係等呢個消息。」
有粉絲衷心祝AGA今次開得成，指自己已經等了很久，準備帶埋豬柳蛋漢堡入場睇「M記歌姬」/「M記駐場女歌手」表演（以往麥當勞經常播AGA的歌，曾有網民說一聽到AGA歌曲都有豬柳蛋味）希望他們不會「燈死」AGA，一切順順利利！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
