成為準父母後，兩人的生活習慣都有改變，尤其是飲食習慣，現在減少外出用餐，因始終不知道食物成份、醃料等，自己煮會較健康。袁偉豪說：「我最主要係睇住佢日常嘅節奏，佢有時見到將梳化就好急過去坐，我就叫佢慢慢坐，唔好再好似以前咁，冇乜顧慮。」
袁偉豪日前推出新歌《御林軍之壽辰》，問有冇打算送一首歌畀BB，他直認有打算，「想等呢段時間做多少少記錄先，經歷咗BB喺個肚裡面成長再出世呢個階段之後，再寫一首歌會圓滿啲。」節目巡禮上公布他即將與張振朗拍攝電單車旅遊節目《歐洲鐵騎遊》，袁偉豪指下周就會出發，去意大利、奧地利、德國等四個國家兩星期，每日一睡醒就揸電單車去Road Trip，平均每日駕駛200至300公里。
袁偉豪指這段時間一定會很掛住屋企，寶兒即說：「你唔好掛住我啦，你注意安全啦。」成為爸爸後，袁偉豪拍節目比以前更注意安全，「有啲Item都要邀請我哋去賽車場，跟Superbike車手坐車尾，以前可能都會覺得：『好呀，玩』而家就會多咗一份顧慮。不如我自己揸算啦，唔好坐車尾啦。」至於寶兒會否停工專心養胎，她說會有一些短期的拍攝，9月更會接拍電影，由於角色是大肚婆，所以見肚都不怕。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
