今集第一個遊戲「有嘢齊齊答」笑料十足，玩法是每位隊員排排坐答問題，每人要輪流答一個字的答案，只要其中一位答錯就接受淋水懲罰。來自台灣的余思霆和外地回流的蘇韻姿齊齊變「豬隊友」，當被問到電影《鐵娘子-戴卓爾夫人傳》的女主角是誰時，余思霆連問題都未聽完就自我放棄，乖乖自己裝水兜頭淋，她大嗌：「鐵娘子我都唔知係乜嘢！」至於蘇韻姿亦不遑多讓，被問到球星C朗踢過邊間西班牙球會時，她同樣「自動波」裝水兜頭淋大嗌：「我係垃圾！」場面搞笑！
之後的「兄弟姊妹站起來」同樣搞笑，玩法是各隊員協力企在浮床上，最快全員企在浮床上的一隊為之勝利。首先玩遊戲的「喪玩隊」全員表現「遴迍」，經過多番嘗試都未能全員站起來，隊長Bob更嬲到投訴製作組，點知另一隊「好玩隊」就表現出色，嘗試了一次就全員站在浮床上，落足阿Bob面！而最後一個遊戲「我要爭上位」最為緊張刺激，玩法就是爭櫈仔的變奏版-水上爭水泡，兩隊人馬爭來爭去十分刺激，當中何浩文最為好勝，竟然出手撻林秀怡落水！
兩位「有料之人」余思霆和陳婉衡更孖住去「天際星空池」朝聖，除了可以大歎按摩池外，該處最大特色是室外部份的地板是透明玻璃底，可以由高處飽覽澳門的景色，兩人在水中游來游去似足太空漫步，畫面唯美。陳婉衡問到影相有咩貼士？余思霆笑言：「身邊人好重要，搵朋友要搵唔同面靚嘅人，好似我左邊你右邊，咁就唔會爭位」至於蘇韻姿則孖住林秀怡坐摩天輪食Tea，啱晒愛打卡的女士！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
