《香港01》收到一段梅啟明去年在晚會獻唱的片段，他先後唱出《明日話今天》、《小李飛刀》及《禪院鐘聲》三首歌，據知他們就是把其中唱《小李飛刀》的片段提交給無綫，報名參加《中年好聲音2》。
梅啟明指，自我介紹時都有評判認出自己，應該知他早前住院，問他身體好嘛，另外亦有評判問他為何不唱梅艷芳的歌，他表示：「我就話如果我揀阿梅嘅歌，我就會忍唔住，卒之講完之後冇耐，我真係忍唔住啦，我話點解今日要出嚟呢，阿梅啱啱嚟緊20周年，我想藉住呢個機會，希望啲Fans永遠都記得佢同埋喜愛佢，之後啲眼淚就飆出嚟。評判問我使唔使休息吓先，但係後面好多人等，我就話唔使啦，呑返啲眼淚，跟住開始唱歌。」他回憶起昔日跟梅媽去歌舞團工作，自己在後台幫手，常常被梅媽叫他出去唱歌，但自覺唱得不太好。
問到評判有冇咩評語，梅啟明說冇乜評價，但他見有些人唱兩句就被「叮」，不過自己都唱了半首才被叮。他更在訪問中向記者唱出《小李飛刀》，聽起來很有感情，唱腔有幾分似羅文。講到有冇信心入圍，梅啟明不抱太大期望，表示：「入圍就多餘，我冇諗住要入圍，個朋友夾硬叫我出去咋嘛！（你唔諗住做歌手？）都眼見棺材，仲做乜鬼歌手，講真我都係出嚟獻醜。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
