明愛暖萬心｜薛家燕為演出每晚沖涼練歌喉被鄰居投訴：怕記錯歌詞 #薛家燕

薛家燕（家燕姐）今日（4/7）現身尖沙咀出席《明愛暖萬心》記者會。家燕姐受訪時表示：「今年係《明愛暖萬心》嘅70周年，而我亦都支持咗好多年，我能夠當晚 ...

薛家燕（家燕姐）今日（4/7）現身尖沙咀出席《明愛暖萬心》記者會。家燕姐受訪時表示：「今年係《明愛暖萬心》嘅70周年，而我亦都支持咗好多年，我能夠當晚上台表演唱歌亦係我嘅福氣。而佢哋就話今次要唱嘅歌，要唱啲比較正能量嘅歌曲，當然我一諗就諗起《皆大歡喜》呢首歌，哈哈，我個女就話我唔得，唔可以唱呢首歌，仲話今次嘅表演係搵咗一班管弦樂團一齊伴奏嘅，咁所以我就搵咗一首特別嘅歌，就係陳百強嘅經典名曲《摘星》，而呢首歌對我嚟講係一首新歌嚟，因為我未唱過。」

家燕姐續說：「其實我唱呢首歌都有壓力，因為當晚會直播係不容有失，咁所以呢幾日我沖涼，都喺度練緊嗰啲歌詞，千祈唔好記錯啲歌詞。（有否被人投訴發出噪音？）哈哈，樓上有投訴，不過都無問題嘅，因為我而家沖涼都早咗，佢哋未咁早訓覺，哈哈！」

本文作轉載及備份之用 來源 source: http://www.hk01.com

鍾意就快D Share啦！

下一篇 》