7月5號即農曆五月十八，是日最旺生肖係龍，事業勁旺而且運氣好到極，遇到困難都一定會逢凶化吉。性感女神舒淇就係屬龍，佢曾經因為皮膚問題減少幕前演出，不過最近終於返嚟，堅係成功解決困難㗎！依家仲好積極拍戲同出席活動，點知早排去電影節就畀網民話佢現老態，覺得舒淇明顯有法令紋同魚尾紋，冇P圖就唔掂，根本唔係坊間所講嘅凍齡。
冇幾耐之前，老公馮德倫甫過一張同舒淇嘅合照，明明睇落好恩愛，都畀網民話舒淇蒼老，有一頭又粗又硬嘅白髮，女神形象徹底崩壞。好在仲有好多網民撐舒淇，話佢都年近半百，有歲月痕迹好正常，絕對稱得上係「優雅地老去」，唔應該對佢太苛刻。睇番佢出席活動啲相全部好靚女，身形又勁弗，有幾條皺紋都係證明舒淇夠天然啫！
今日幸運星係雙魚座，雙魚座嘅人運氣好到令人羨慕，應該多啲做有意義嘅事。鄧萃雯正正係雙魚座，佢喺藝訓班畢業之後已經擔正做女主角，事業真係可以話係一帆風順，有份參演嘅《金枝慾孽》、《巾幗梟雄》贏盡收視同口碑。佢實力當然有，不過有時人生都需要啲運，難怪話鄧萃雯運氣好到令人羨慕！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
