王菲今日（30/6）現身將軍澳電視城出席無綫新劇《死有對証》造型記者會。王菲透露在劇中飾演一名瑜伽導師，與演高級警員的馬貫東有感情線：「我同佢本身係男 ...
王菲今日（30/6）現身將軍澳電視城出席無綫新劇《死有對証》造型記者會。王菲透露在劇中飾演一名瑜伽導師，與演高級警員的馬貫東有感情線：「我同佢本身係男女朋友關係，不過我同佢呢段感情都會面臨好大挑戰，例如佢嘅工作都會影響到我同佢之間嘅感情。另外今次我嘅角色係一位瑜伽導師嘅關係，變咗我要即刻搵老師上堂學瑜伽，而我本身柔韌性度不足，咁所以而家我每日都會安排時間去拉筋，而我最大弱項係拉唔到一字馬，咁所以而家我會以拉到一字馬為我最大嘅目標。」
