7月4日即農曆五月十七，最旺生肖係兔，屬兔嘅大家吉星高照，接連會收到喜訊，心情當然勁好！佘詩曼正正係兔女郎，啱啱過48歲生日嘅佢，收到《新聞女王》劇組搞嘅神秘派對，先有李施嬅訂泰國菜，再有高海寧送大蛋糕，台前幕後為佢生日落足心機，真係一姐中嘅一姐先有咁嘅待遇，阿佘心情點會唔靚。
其實《新聞女王》開拍前，一直有傳係佘詩曼同楊茜堯繼《宮心計》後再度合作，齊齊返娘家！點知最後得阿佘詩曼做女一，但楊茜堯當時的確承認有同《新聞女王》監製接觸，仲話有興趣參演喎。當大家估茜堯點解推劇時，就再有消息話佢係要拍《家族榮耀》續作《家族繼承者》，所以冇時間。點知最後嚟個大反轉，《家族繼承者》又係佘詩曼喎！不過茜堯近年都專注家庭，可能都係要照顧小朋友分身不暇啫！
今日幸運星係金牛座，會得到好運氣加持，可以喺職場競爭入面佔優勢。影帝周潤發就係金牛座，佢親民冇架子，拍戲一樣唔會擺款，早排拍《別叫我賭神》仲叫人唔好留手，出盡力摑自己，咁專業難怪喺娛樂圈咁有地位！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
