台灣女星熊熊（卓毓彤）有着甜美外貌及傲人嘅G Cup火辣身材，加上不時喺社交網大派福利，累積咗高企人氣。雖然熊熊事業有成，不過感情方面就相當低調，未料一直感情空白嘅佢，今日（18日）就無預警公布婚訊，並晒出多張唯美婚紗相，突如其來嘅「封盤」消息，令人措手不及之餘，男方嘅長相仲意外同周柏豪撞樣，掀起網友熱議。
熊熊喺社交網寫道：「老公，生日快樂！#我們結婚了」，並晒出多張身穿Deep V婚紗裙同老公嘅合照，而老公Mars則梳上All Back髮型襯西裝，簡單乾淨嘅造型帥氣感十足外，仲意外激似周柏豪，唔講仲差啲以為係周柏豪結婚呀！
事實上，熊熊亦有拍片解釋自己同Mars其實係舊愛，7年前曾相戀3年，而之所以會再續前緣，則係因為工作接觸，最終更喺今年2月14日登記結婚。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
