今日係7月15號，即係農曆五月廿八，適合祭祀、飾垣同埋結網，飾垣有裝修屋企嘅意思，如果你有計劃裝修，不如就揀今日啦。最旺生肖係蛇，屬蛇嘅人今日桃花運唔錯，同意中人表白容易成功。
男團MIRROR隊長楊樂文（Lokman）就係屬蛇，佢同女友Luxi拍咗拖7年，之前Luxi收花惹嚟外界揣測佢哋好事近，Lokman解釋話有朋友嘅花店開張，所以順便送花啫。其實Lokman都有結婚打算，但佢話要再儲多啲老婆本先，所以呢排搏命做嘢，仲籌備緊個人單曲，唔單止自己填詞，之後仲要錄音，再同導演度MV，有好多新嘢要學，Lokman今日桃花咁旺，再忙都要同身邊人表達多啲愛意，唔知佢哋幾時拉埋天窗呢？
今日幸運星係水瓶座，你哋人逢喜事精神爽，幸運指數排第一，桃花非常之旺，感情生活都幾愜意。楊千嬅就係水瓶座，之前佢開巡迴演唱會，即刻得到粉絲支持，除咗粉絲嘅愛，楊千嬅同老公丁子高感情都好好，千嬅喺演唱會上面，感謝老公對自己音樂事業嘅支持，真係好sweet，所以今日桃花運咁好，楊千嬅幾忙都要抽時間陪吓另一半。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
