「新疆四美」之首、內地女星迪麗熱巴近日是非多多，早前佢被內地變性女星金星揶揄着低胸出騷但全程用手捂心口，又要露但又要遮多此一舉，言論被廣泛討論後，迪麗熱巴嘅私服就愈趨大膽，亦唔再用手遮心口，點知反而引嚟「鹹豬手」！
尋日（14日）迪麗熱巴現身內地機場，以一件大露背絲質背心上陣，引嚟大批路人圍實影相，決心唔要再被鬧做作矯情嘅佢，今次就大大方方咁行出嚟見人，點知其中一位年輕女粉絲就出手摸咗佢玉背一下，即引嚟軒然大波，被斥無論出手嘅係男係女都屬於性騷擾，令粉絲心痛。
事後，迪麗熱巴粉絲群就發出公告，指安保措施已做升級，返程會行VIP，叫大家唔好擔心。亦表示出手嘅女生年紀比較細，所以都冇乜責備，希望大家保持理智等。不過同時網上亦出現「Blame the Victim（怪責受害者）」嘅聲音，有人就批評迪麗熱巴着得少先會出事，反怪責係佢自己攞嚟。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
