今日（28/8）港姐冠軍莊子璇(Hilary)現身將軍澳電視城出席港姐活動，就事件接受《香港01》訪問時說：「其實自己都有睇相關嘅報道，但不過睇咗一陣太攰就瞓咗。但無論點都好，都係各花入各眼，每個人都有自己嘅心水。（你答問環節接現神勇對答如流，自己有冇翻睇片段？）我仲未睇呀，因為我唔敢喺電話度睇自己個樣。不過我都覺得當晚自己個轉數都答得幾好，可能喺開騷前幾個鐘飲咗杯咖啡，啲咖啡因發揮作用。本身我係冇飲咖啡嘅習慣，之前有人叫我試吓飲吓咖啡提神，點知飲完係好亢奮，發覺原來都真係有用。」
莊子璇香港小姐2023｜素顏學生相曝光 中學時期已是美人胚子
被問網民質疑預先知道問題？Hilary表示：「其實係有啲嘢係可以預先知道少少嘅，就好似大會都有同我哋講過，要睇多啲關心香港嘅時事新聞，變咗我每日都有留意嘅。其實我都tip中夜市嗰題。同埋非洲做酋長嗰題，點解我會扯到港姐選舉，係因為我有睇返歷屆港姐參選嘅片段，而佢哋3甲嘅港姐，都有帶到香港小姐嘅主題，咁所以我就想帶返多啲關於香港小姐嘅主題。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
