Do姐分享自己去阿爾卑斯山山頂，以及Me time遊新加坡都十分難忘，而活動結束後，Do姐跟嘉豪、細貓受訪，讚幾位很尊敬自己，開心對方答應自己邀請，說：「都要你肯嚟先得嘅！」嘉豪聞言即回答：「嘩好難答呀呢個訪問，多謝邀請我哋，咁梗係赴湯蹈火」Do姐與嘉豪的行程較密集，歐遊搭車動輒三、四小時，笑說：「傾心事都傾晒，後尾唔傾」問嘉豪有什麼心事，他指是人生課題，但自己坐車都坐到斷片，已經沒什麼記憶。
已有好一段時間冇拍旅遊節目的Do姐，認為今次跟以前最不同的，是以前好興主持人要分上、下靶，但今次全部人與她平等，大家一齊去旅行，是彼此的旅伴，更問嘉豪：「講！我有冇恰過你？」嘉豪則說：「冇！一定冇！」被問五位男生中，有沒有哪位最令Do姐嘔血，她思考一會後答：「Jeffrey啦，原來佢嘅口頭禪係『唔係』，講乜都話唔係，但又唔係真係mean『唔係』，只不過係口頭禪。」
其後家謙、Jeffrey跟Tyson受訪，講到家謙被Do姐說是色魔，Tyson連番附和：「係呀！係呀！」家謙則搞爛Gag說：「我係Sick魔啫，成日病。（家謙好大膽，話同Do姐浸溫泉！）浸溫泉我都冇話點浸，分開房浸都得，有時唔一定要同一個空間浸，我哋睇手機都分開一齊睇，疫情之後嘅世界就係咁。」
Tyson被Do姐指為了保持身材，食嘢都要計住就住，他透露：「有一日我見到話要食齋，跟住我呆咗，心入面爆咗句粗，我本身諗住好啦，為咗節目今日豁出去食好嘢，點知去到......食齋？OK。」Tyson自爆節目組事前叮囑他盡量少講粗口，家謙即窒他：「你唔爆粗冇嘢講㗎喇喎。」Tyson都承認：「冇得講粗口我冇嘢講，冇得好爽快咁表達，冇咗七成我要講嘅情緒。」
按圖睇更多活動花絮：
本文作轉載及備份之用 來源 source: http://www.hk01.com
|
鍾意就快D Share啦！
|
|
|
