Edan (呂爵安）昨晚（27日）舉行個人演唱會《EDAN LUI 「IN MY SIGHT OF E」 SOLO CONCERT 2023》 舉行尾場，兩位嘉賓邱鋒澤、陳零九先後登場，令向來係「追星界天花板」嘅Edan再次成就解鎖。
完騷後，Edan接受訪問時直言有不捨，但他認為三場都足夠，又自評今次有80分。「因為其實都攰嘅，一方面要keep聲音狀態，體力同精神上嘅疲累，因為連續幾日做同樣嘅嘢，會麻木，所以三場係好好嘅嘗試。」
Edan 又提到驚險爆呔事件，他表示準備為《霸道總裁》出場前，突然發現爆呔，服裝即時拿出針線縫補，但他卻十分擔心。「因為我今日入面係著孖煙囱，但跳唱咁有型，爆個格仔孖煙囱出嚟。」提到與B Team的篤棟Talk環節，Edan 表示構思練習一個星期以上，而第二場開始，將私生飯part刪走，他表示未有不快，亦不是因為收DM之故，一切都是以節奏爽快為主。「係咪親身經歷？我第一場有講如有雷同，純屬巧合。」
另外，提到MIRROR將缺席頒獎禮一事，Edan表示：「以我所知，無話唔去嘅，因為公司話嚟緊有演唱會，所以lock咗期唔可以接工作，但樂壇盛事，有得參與當然要參與，公司都會安排，但我都係等通知。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
