港姐候選佳麗潘明璇近日被前男友曝光舊相，指她曾整容及出軌。今日（22日）潘明璇現身港姐活動時否認前男友指控：「我細個好肥，我好鍾意食嘢，最鍾意食pizza，大家都叫我pizza姐，啲人話我個樣同依家唔一樣，我想講減肥、美容同化妝係可以令個樣唔同。至於個鼻有紗布張相，係我當時踩單車發生意外受傷，所以大家會見到鼻樑有駝峰，好多網民話我pizza面，如果我真係整容，我點解唔整靚啲整到冇咗塊pizza面？」
她強調跟男友分手並非因為第三者，而是出於性格不合及自己不想跟對方一齊，故主動提出分手，但對方不時會傳電郵給她要求復合，又指對方上月也有傳電郵為她加油，故此對前男友突然「爆料」感驚訝，問到會否擔心對方繼續爆料？她說：「佢要講大話也都辦法，（有冇影過私密照？）冇影過。（有冇影響比賽信心？）唔會，不過初時都有啲驚，但大家都好支持我，媽媽幫我交咗件事畀律師處理，佢叫我專心比賽。」她希望前男友的內心能健康快樂一點，不要太多負能量。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
