劉馬車提到想退出YouTube的因由，說：「拍片拍咗12年，覺得好攰呀，得唔到我想要嘅成果、想要嘅嘢，換來嘅只有無盡嘅傷害、無盡嘅痛苦，俾人當怪物看待、攻擊，出出入入不斷坐監係好辛苦嘅事。」他表示自己有3、40首原創歌，但根本冇人會關心，只想食花生睇他和別人爭吵、打鬥、坐監。
他說自己希望開個WhatsApp群組，交流人生和哲學話題，稱想認識正面和願意共同成長的朋友，謝絕取笑他、當他傻仔的朋友。此外，他希望找份長期和穩定的工作，指活動助理、餐飲業等都樂意做，惟希望工作不需和外界接觸，因為怕被人騷擾。
網友普遍都不認為他會找數退出，睇死他過幾日就會「復出」，因以往他都不止一次講過類似的事，叫他索性播舊片算數。此外，不少人擔心屆時又有流血事件發生，並留言叮囑女生要小心，不要參加他的見面會。
劉馬車宣布退出後再發布了另一條片，內容是他翻唱歌曲《放不下你》，歌詞內容：「我好想給你一個家 我好想為你彈結他」等，他在標題上寫明：「獻給鄧月平」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
