8月25日即農曆七月初十，幸運顏色係紅色，最旺生肖係狗，屬狗嘅朋友桃花旺爆否極泰來，桃花運好得令身邊人羨慕！「長腳蟹」呂慧儀就係屬狗，佢同黃文迪18年宣布離婚，之後只係同過一位男藝人傳緋聞，就係佢螢幕老公張景淳！《愛·回家》龔水CP勁入屋，一直傳佢哋戲假情真，可惜始終唔肯認愛！
長腳蟹早排出海玩，喺社交網罕晒終極長腿同事業線，佢咁靚女今日又有桃花運，真係分分鐘另有對象都唔奇！依家《愛·回家》仲傳出「龔水」離婚，張景淳小心戲裏戲外都留唔住呂慧儀，堅係走寶！
今日幸運星係獅子座，你哋運氣勝人一籌，學識感恩同知足會更開心。甄子丹就係獅子男，佢同汪詩詩一向都係圈中模範夫妻，但點估到子丹原來勁浪漫，早排趁住結婚周年喺意大利補辦婚禮，想向太太彌補當年簡單嘅儀式。子丹仲話娶到詩詩係今世最大福氣，即使已經老夫老妻，子丹亦冇視詩詩對家庭嘅付出係理所當然，諗盡方法哄老婆，足以證明佢係一個識感恩嘅人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
