勞基梳爾近年經常受傷。(Getty Images)
第2輪英超就輸波嘅曼聯，近日再爆出傷兵潮，繼新加盟嘅美臣蒙特受傷後，曼聯周五(25日)證實左閘勞基梳爾亦有肌肉傷患，將會缺席「數個星期」，而且軍醫仍就傷患詳情進行檢驗，最壞情況可能要抖幾個月。
曼聯官方聲明表示：「勞基梳爾受傷患困擾，將缺陣嚟緊嘅比賽，軍醫仍就佢嘅肌肉傷患做檢查，預期佢會休戰數個星期。」曼聯周六(26日)對諾定咸森林，以及國際賽前最後一輪作客阿仙奴，勞基梳爾都肯定唔能夠候命。
勞基梳爾嘅傷患亦令曼聯出現「左閘荒」，事關佢哋周四(24日)先將班頓威廉斯外借葉士域治，荷蘭左閘杜維爾馬拉西亞又養緊傷，依家只係得番青訓左閘艾華路費南迪斯可以用，必要時可能要右閘達洛治再次客串左路防守。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
